არქივი → ჟიური
კინოფესტივალი მედიაში
  საერთაშორისო კონკურსის ჟიური
                                                                            ჟიურის თავმჯდომარე
 

 

ალექსანდრა სტიუარტი

საფრანგეთში მოღვაწე კანადელი მსახიობი. დაიბადა 1939 წლის 10 ივნისს, მონრეალში. 1958 წელს პარიზში, ხელოვნების შესასწავლად გაემგზავრა. ცნობილია, როგორც ფრანგული ახალი ტალღის ერთ-ერთი მნიშვნელოვანი წარმომადგენელი. მისი კინოდებიუტიც შედგა ფილმში „მემკვიდრეები" და მას შემდეგ ფრანგულ- და ინგლისურენოვან ფილმებში მონაწილეობით მისი წარმატებული კინოკარიერა გაგრძელდა. თავისი ხანგრძლივი კარიერის მანძილზე ალექსანდრა სტიუარტი მონაწილეობდა ისეთი ცნობილი რეჟისორების ფილმებში, როგორებიც არიან: ოტტო პრემინგერი, ლუი მალე, არტურ პენი, ფრანსუა ტრიუფო და სხვა. კინოში მოღვაწეობის გარდა, ის აქტიურად მონაწილეობდა ისეთ სატელევიზიო შოუებში, როგორებიცაა „20-საათიანი თამაშები" და „ცხრის აკადემია". 2004 წელს იყო ჩიკაგოს საერთაშორისო კინოფესტივალის ჟიურის წევრი.

 

 

 

 

 

  

პეტერ რომელი

გერმანელი პროდიუსერი, დაიბადა 1956 წელს შტუდგარდში. თავდაპირველად იგი ბერლინში, წიგნების გაყიდვების სფეროში მოღვაწებდა, მოგვიანებით კი კინოინდუსტრიაში გადაინაცვლა და 1992 წელს დაარსა კომპანია ''Rommel Productions''. პირველი ფილმი, რომელიც მისი პროდიუსერობით გამოვიდა კინოეკრანებზე იყო ,,ღამის დეკორაცია'' ანდრეას დრეზენის რეჟისორობით (1999). 2002 წლიდან პეტერ რომელი არის ბადენ-ვუთემბერგის კინო აკადემიის დამსახურებული პროფესორი. 1996 წელს დაარსა შტუდგარდის კინო კომპანია ''Home Run Pictures'', 2004 წელს კი საერთაშორისო ორგანიზაციებთან თანამშრომლობით ჩამოაყალიბა კინო დაფინანსების ცენტრი ''Shotgun Pictures'', რომელიც ორიენტირებულია დაბალბიუჯეტიანი კინოპროექტების დაფინანსებაზე.

 

 

დავიდე ფერარიო

დავიდე ფერარიო დაიბადა 1956 წლის 26 ივნისს, არის იტალიელი კინორეჟისორი, სცენარისტი და მწერალი. კაზალმაჯორეში (კრემონა) დაბადებულმა რეჟისორმა ანგლო-ამერიკული ლიტერატურა შეისწავლა, შემდეგ დაიწყო მუშაობა კინოს დისტრიბუციის სფეროში. მან დიდი წვლილი შეიტანა იტალიაში ისეთი რეჟისორების, არაერთი ინდი-ფილმის იმპორტის საქმეში, როგორებიც არიან ჯონ სეილსი, ჯიმ ჯარმუში, სიუზან ზაიდელმანი, გოდფრი რეჯიო. ის ასევე, თანამშრომლობდა ჟურნალთან ''Cineforum'', როგორც კინოკრიტიკოსი. მასვე ეკუთვნის მონოგრაფია რაინერ ვერნერ ფასბინდერის შესახებ. რამდენიმე სცენარზე მუშაობის შემდეგ, 1987 წელს, ფერარიოს, როგორც კინორეჟისორის დებიუტი შედგა,მოკლემეტრაჟიანი მხატვრული ფილმითNon date da mangiare agli animali“, ხოლო 1989 წელს, ნეო-ნუარის ესთეტიკით გადაღებულ პირველ სრულმეტრაჟიან ფილმზეLa fine della noteმუშაობა დაასრულა. მისი 2004 წლის ნამუშევარიშუაღამის შემდეგბერლინის 54- საერთაშორისო კინოფესტივალის ფორუმის სექციაში მოხვდა და ფერარიომ კალიგარის და დონ კიხოტის  კინოჯილდოები მოიპოვა1995 წელს დაწერილი მისი სადებიუტო რომანისDissolvenza al neroმიხედვით რეჟისორმა ოლივერ პარკერმა გადაიღო ფილმი, სახელწოდებითდაბნელება“.

 

 

ევა აფ გეიერსტამი

1974 წლიდან, ის ყოველდღიური გაზეთის „Dagens Nyheter“ კინოკრიტიკოსია. სწავლობდა უფსალას უნივერსიტეტში, სტოკჰოლმის ჟურნალისტიკის კოლეჯში და შვედეთის კინოსკოლაში (ასევე ცნობილი, როგორც დრამატული ხელოვნების ინსტიტუტი, სტოკჰოლმი). ის არაერთი ნაშრომის ავტორია, მათ შორის „შვედური ფილმი - რეპორტაჟი კულტურული გზაჯვარედინიდან“, „რობერტ გედიგიანი: მარსელის ძიებაში“ და, ასევე, ლეგენდარული შვედური საფეხბურთო ტრიოს შესახებ „გრენოლი - საფეხბურთო თავგადასავალი“. ის ხშირად მიემგზავრება ფესტივალებზე და ჟიურის მუშაობაში მონაწილეობს 1970 წლის შუახანებიდან. რამდენიმე დამოუკიდებელი კინოჟურნალის ავტორია და წერილებს ფეხბურთის შესახებაც აქვეყნებს.

 

  

გია ბაზღაძე

გია ბაზღაძე არის საქართველოში უდიდესი კინოქსელის სს „რუსთაველი“ თანადამფუძნებელი და დირექტორთა საბჭოს თავმჯდომარე. ასევე კინომწარმოებელი კომპანია შპს „ლაითბენქის“, საპროდიუსერო კომპანია შპს “მუვინგ პიქჩერზის“ და ბათუმში შპს „აპოლოს“ თანადამფუძნებელი. იგი საქართველოში ბოლო წლების ერთ-ერთი ყველაზე წარმატებული კინოპროდიუსერია. მის საპროდიუსერო ნამუშევრებში შედის შემდეგი ფილმები:“ ცხრა მთას იქით” – რეჟისორი ლევან თუთბერიძე(2014); "მარილივით თეთრი“ - რეჟისორი ქეთი მაჭავარიანი (2011); „ქუჩის დღეები“ - რეჟისორი ლევან კოღუაშვილი (2010).

  ეროვნული კონკურსის ჟიური
 

 

ლისა ნესელსონი

საფრანგეთში მცხოვრები ამერიკელი კინოკრიტიკოსი და თეორეტიკოსი. 1986-2001 წლებში წერდა გაზეთისთვის ‘’Paris Free Voice’’. ‘’Variety’’ -ში 17 წლიანი მოღვაწეობის შემდეგ, 2008 წელს მან მუშაობა განაგრძო ‘’Screen International’’-ში, სადაც კრიტიკულ წერილებსა და პუბლიკაციებს აქვეყნებდა. ფრანგულიდან ინგლისურად თარგმნა არაერთი რეჟისორის ბიოგრაფია, სხვადასხვა დროს იყო რამდენიმე მნიშვნელოვანი კინოფესტივალის ჟიურის წევრი და დისკუსიების მოდერატორი.

 

 

 გლენ მირენი

პარიზში მოღვაწე კინოისტორიკოსი ჩიკაგოდან. ამჟამად იგი მუშაობს ფრანგული კინოარქივისთვის (La Cinémathèque française), სადაც კითხულობს ლექციებს, ხოლო მანამდე იყო ნიუ-იორკის უნივერსიტეტის კინოისტორიის პროფესორი. მისი ნაშრომები გამოქვეყნებულია ისეთ ცნობილ ჟურნალებში, როგორებიცაა: New York Times; Variety; International Herald Tribune; Film History; French Review; Paris Notes and Cinematheque Magazine.

 

 

ერიკა გრეგორი

ლონდონში, მიუნხენსა და ბერლინში ერიკა გრეგორი  ისტორიას, ფილოსოფიას, გერმანულ და ბრიტანულ ლიტერატურას სწავლობდა. 1963 წელს მეუღლესთან, ულრიხ გრეგორთან ერთად დაარსა ასოციაცია,,გერმანული კინემათიკის მეგობრები’’. კინოთეატრ ,,არსენალის’’დაარსების დღიდან ერიკა გრეგორი კინოჩვენებების ორგანიზატორი და კინოპროგრამების შემდგენელი იყო. იგი არის კინოფესტივალების ორგანიზატორი და კოორდინატორი, მრავალი ჟიურის წევრი, აგრეთვე კინოდაფინანსების კომისიის წევრი. 1971-2004 წლებში ის ბერლინის კინოფესტივალის ახალი კინოს საერთაშორისო ფორუმის შესარჩევი კომიის წევრი იყო. 1980-90 წლებში ხელმძღვანელობდა რეტროსპექტივებსა და  სხვადასხვა ეროვნულ ეროვნულ კინოპროგრამებს. მეუღლესთან, ულრიხ გრეგორთან ერთად გამოსცემს კატალოგებს, წიგნებსა და პერიოდულ სერიას ,,კინემათიკის რვეულები’’. 2010 წელს ერიკა და ულრიხ გრეგორებს გადაეცათ ბერლინის საერთაშორისო კინოფესტივალის პრიზი, ,,კამერა’’ - კინემატოგრაფში შეტანილი წვლილისთვის.

 


ულრიხ გრეგორი

კინოისტორიკოსი და კინოკრიტიკოსი, თბილისის კინოფესტივალთან მრავალწლიანი მეგობრობა და თანამშრომლობა აკავშირებს. კინოისტორიის პროფესორი ბერლინის კინოსა და ტელევიზიის გერმანულ აკადემიაში და ბერლინის ხელოვნების უნივერსიტეტში. კინოსა და ვიდეოარტის დამოუკიდებელი ინსტიტუტის „არსენალის" ერთ-ერთი დამაარსებელი და საორგანიზაციო ჯგუფის ხელმძღვანელი. ბერლინალეს ახალი კინოს საერთაშორისო ფორუმის დირექტორი 2001 წლამდე. 1981 წლიდან 2000-მდე ულრიხ გრეგორი მორიტც დე ჰადელნთან ერთად ბერლინის კინოფესტივალის დირექტორი იყო. მიჩნეულია მსოფლიოს ერთ-ერთ მოწინავე კინოკრიტიკოსად. მეუღლესთან, ერიკა გრეგორთან ერთად, მას კურატორული საქმიანობით მნიშვნელოვანი წვლილი აქვს შეტანილი კინოს განვითარების საქმეში. 2010 წელს ერიკა გრეგორთან ერთად გადაეცა ბერლინის საერთაშორისო კინოფესტივალის პრიზი, „კამერა" - კინემატოგრაფში შეტანილი წვლილისთვის. ულრიხ გრეგორი მუდმივად თანამშრომლობს ტელევიზიასა და რადიოსთან, მისი სტატიები რეგულარულად ქვეყნდება საერთაშორისო კინოჟურნალებში (Nuovo Cinema, Cinema 56).